پانچ دن میں کورونا ایس او پیز کی 25 ہزار سے زیادہ خلاف ورزیاں

سعودی وزارت داخلہ نے کہا ہے کہ گزشتہ پانچ روز کے دوران مملکت بھر میں کورونا ایس او پیز کی 25 ہزار سے زیادہ خلاف ورزیاں ریکارڈ پر آئی ہیں۔

اخبار 24 کے مطابق وزارت داخلہ نے بتایا کہ  خلاف ورزیاں گزشتہ ہفتے کے مقابلے میں زیادہ ہیں- اس وقت کل خلاف ورزیاں 24 ہزار تھیں۔

وزارت داخلہ نے کہا کہ سب سے زیادہ  خلاف ورزیاں 7.8 ہزار ریاض میں ریکارڈ کی گئیں جبکہ مکہ مکرمہ ریجن 5.4 ہزار کے حوالے سے دوسرے اور 4 ہزار خلاف ورزیوں سے الشرقیہ تیسرے نمبر پر رہا ہے۔ 

سب سے کم خلاف ورزیاں 133 نجران میں ریکارڈ ہوئیں۔ کم خلاف ورزیوں کے حوالے سے جازان دوسرے نمبر پر اور حدود شمالیہ تیسرے نمبر پر رہا ہے۔ جازان میں 156 اور حدود شمالیہ میں  348 خلاف ورزیاں سامنے آئی ہیں۔