بیرون مملکت سفر سے 72 گھنٹے کے اندر پی سی آر کی شرط

سعودی عریبین ایئرلائنز (السعودیہ) نے کہا ہے کہ بیرون ملک سفر سے 72 گھنٹے کے اندر  لیے گئے نمونے کی  کورونا ٹیسٹ رپورٹ پیش کرنا ہوگی- 

عاجل ویب سائٹ کے مطابق السعودیہ سے ایک مسافر نے سفر کے وقت پی سی آر کے بارے میں دریافت کیا تھا کہ ’پی سی آر کے لیے حاصل کیے  جانے والے نمونہ کا اعتبار کب سے ہوگا- آیا 72 گھنٹے کی پابندی کا آغاز پی سی آر کا نمونہ لینے کے وقت سے ہوگا یا اس کی رپورٹ آنے کے بعد سے 72 گھنٹے شمار ہوں گے‘- 

السعودیہ نے اپنے ٹوئٹر اکاؤنٹ پر استفسار کا جواب دیتے ہوئے کہا کہ ’پی سی آر ٹیسٹ سفر کے وقت سے موثر ہوگا‘- 

داخلی پروازوں کے مسافروں کے حوالے سے السعودیہ کا کہنا ہے کہ ’ایئر پورٹ پر داخل ہونے، سفری کارروائی کرانے اور طیاروں پر سوار ہونے  سے قبل مسافر کی ڈیجیٹل آئی ڈی چیک کی جائے گی-

توکلنا ایپ کا معائنہ ہوگا- صرف اس شخص کو سفر کی اجازت ہوگی جو یا تو ویکسین یافتہ ہو یا وہ کورونا وائرس میں مبتلا نہ ہوا ہو‘-