ریکروٹنگ ایجنسیوں کی تعداد کم کرکے 500 کی جائے گی

سعودی وزارت افرادی قوت و سماجی بہبود نے کہا ہے کہ آئندہ دو برسوں کے دوران ریکروٹنگ ایجنسیوں کی تعداد 1500 سے کم کرکے500 کردی جائے گی- 

ریاض اخبار کے مطابق وزارت افرادی قوت نے بیان میں  کہا کہ ریکروٹنگ ایجنسیوں کو تعداد کم کرکے ریکروٹنگ کمپنیوں میں تبدیل کیا جائے گا۔

ریکروٹنگ ایجنسیوں اور کمپنیوں کو وبا کے دوران بندش کے باعث بھاری نقصان ہوا ہے اور یہ سلسلہ دس ماہ سے زیادہ تک جاری رہا ہے۔

ذرائع کا کہنا ہے کہ ریکروٹنگ کمپنیوں نے خسارے کا مسئلہ بانی شیئر ہولڈرز کے سامنے رکھا ہے۔

ریکروٹنگ ایجنسیوں کو ٹکٹ مہنگے ہونے،جرمانے، فیسیں واپس کرنے دیگرمسائل کے باعث زیادہ مشکلات کا سامنا کرنا پڑا اور انہیں مالی نقصان کا سامنا کرنا پڑا ہے۔