سعودی وزیرداخلہ کا قطر میں نیشنل کمانڈ سینٹر کا دورہ 

سعودی وزیر داخلہ شہزادہ عبدالعزیز بن سعود بن نایف نے اتوار کو قطر میں نیشنل کمانڈ سینٹر (این سی سی) کا دورہ کیا ہے۔ 

سرکاری خبر رساں ایجنسی ایس پی اے کے مطابق وزیر داخلہ نے نیشنل کمانڈ سینٹر کے انتظامات کا معائنہ کیا۔

اس موقع پر انہیں این سی سی کے چیئرمین میجر جنرل خلیفہ النعیمی نے سینٹرکے آلات، بحرانوں اور واقعات سے نمٹنے کے لیے استعمال ہونے والے سیکیورٹی سسٹم اور سینٹر کے نمایاں ترین فرائض سے آگاہ کیا۔ 

شہزادہ عبدالعزیز بن سعود نے دورے کے اختتام پر نیشنل کمانڈ سینٹر کو سراہتے ہوئے کہا کہ یہ ترقی یافتہ ٹیکنالوجی سے آراستہ ہے، اس کے اہلکار اپنے فرائض کی ادائیگی میں سرخرو ہوں۔