امارات میں چوبیس گھنٹے کے دوران کورونا کے 313 نئے مریض

متحدہ عرب امارات میں کورونا کے کیسز کی تعداد مسلسل کم ہورہی ہے۔ پیر 20 ستمبر کو پچھلے چوبیس گھنٹے میں 313 نئے مریضوں کی تصدیق ہوئی ہے۔

امارات کی سرکاری خبر رساں ایجنسی وام نے وزارت صحت کے حوالے سے بتایا کہ’ جدید تشخیصی آلات کی مدد سے پچھلے چوبیس گھنٹے میں مزید دولاکھ 77ہزار 935 ٹیسٹ کیے گئے‘۔

متاثرین کی تعداد بڑھ کرسات لاکھ 33 ہزار ہو گئی ہے۔ 

بیان مں کہا گیا کہ ’پچھلے چوبیس گھنٹے میں زیر علاج مریضوں میں سے مزید دو چل بسے، کورونا سے مرنے والوں کی تعداد دو ہزار77 ہو گئی ہے‘۔

امارات میں پچھلے چوبیس گھنٹے میں 409 متاثرہ افراد صحتیاب ہوئے ہیں۔ اب تک سات لاکھ 24ہزار855 افراد صحت یاب ہوچکے۔

وزارت نے شہریوں اور مقیم غیر ملکیوں سے پھر کہا کہ وہ سماجی فاصلے کی پابندی کو یقینی بنائیں۔

علاوہ ازیں وزارت صحت کے اعلان کے مطابق پچھلے چوبیس گھنٹے کے دوران کورونا کی 40 ہزار 697 ویکسین لگائی گئی ہیں۔ اب تک ایک کروڑ 94 لاکھ 86 ہزار 569 ویکسین لگائی جا چکی ہیں۔