چار ریجن گرد و غبار کی لپیٹ میں، تین ریجنوں میں دھند

سعودی عرب کے چار ریجن آج گرد و غبار کی لپیٹ میں رہیں گے جبکہ تین ریجنوں میں دھند رہے گی۔

سبق ویب سائٹ کے مطابق محکمہ موسمیات نے کہا ہے کہ ’مکہ مکرمہ، مدینہ منورہ، حائل اور تبوک میں آج مطلع غبار آلود رہے گا۔‘

’تیز ہوا کے باعث گرد و غبار کا طوفان ہوگا جس کے باعث حد نگاہ متاثر ہوجائے گی۔‘

محکمہ موسمیات نے کہا ہے کہ ’مذکورہ ریجنوں میں یہ کیفیت شام سات بجے تک رہنے کی توقع ہے۔‘

’مدینہ منورہ میں الحناکیہ، المہد، الیتیمہ اور وادی فرع جبکہ مکہ مکرمہ میں الخرمہ، المویہ، تربہ اور رنیہ سب سے زیاد متاثر ہوں گے۔‘

دوسری طرف محکمہ موسمیات نے کہا ہے کہ ’مشرقی ریجن، شمالی حدود اور الجوف میں دھند رہے گی۔‘

محکمہ نے کہا ہے کہ ’مذکورہ کیفیت سے الاحسا، البطحا، الجبیل، الخبر، دمام، ظہران، بقیق اور دیگر علاقے سب سے زیادہ متاثر ہوں گے۔‘

’مذکورہ علاقوں میں فجر سے پہلے سے لے کر صبح 8 بجے تک حد نگاہ متاثر رہے گی۔‘