فارمولا ون کی شاندار اختتامی تقریب، انعامات کی تقسیم

جدہ میں منعقد فارمولا ون ریس کی اختتامی تقریب شایان شان طریقے سے منائی گئی جس میں نمایاں پوزیشن حاصل کرنے والوں کو انعامات سے نوازا گیا ہے۔

سبق ویب سائٹ کے مطابق اختتامی تقریب میں آتش بازی کی گئی جبکہ فضائیہ کے طیاروں نے آسمان پر رنگ بکھیرے ہیں۔

برطانوی رائیڈر لوئس ہیملٹن کوریس میں نمایاں پوزیشن حاصل کرنے پر اول قرار دیا گیا ہے۔

دوسرے نمبر پر آنے والے رائیڈر میکس ویرسٹابین ہیں جبکہ تیسرے نمبر پر والیری پوٹاس ہیں۔

اس موقع پر وزیر کھیل شہزادہ عبد العزیز بن ترکی الفیصل نے ولی عہد و وزیر دفاع شہزادہ محمد بن سلمان کا شکریہ ادا کیا ہے۔

انہوں نے کہا ہے کہ ’ولی عہد شہزادہ محمد بن سلمان کی فارمولا ون میں آمد ہم سب کے لئے باعث فخر و اعتزاز ہے‘۔

’شہزادہ محمد بن سلمان بین الاقوامی کھیلوں کی سرپرستی کرکے سعودی عرب کا نام روشن کر رہے ہیں‘۔