ممبئی.. بالی وڈ گلوکارہ تلسی کمار نے کہا ہے کہ اکشے کمار اور میرے والد گلشن کمار میں کافی شباہت ہے۔ اکشے کمار میں اپنے والد نظر آتے ہیں۔ شاید اسی لئے سب چاہتے تھے کہ ان کی زندگی پر بننے والی فلم مغل میں گلشن کمار کا کردار اکشے ادا کریں۔ تلسی کمار نے کہا کہ میرے والد بھی دہلی کے تھے اور اکشے کمار بھی دہلی کے ہیں۔دونوں ہی پنجابی ہیں۔جیسے اکشے کمار اپنے کام کے لئے پرجوش نظر آتے ہیں۔ اسی طرح سے میرے والد بھی اپنے کام کو ایک جذبہ کی طرح جیتے تھے۔ اسی لئے شاید مجھے لگا کہ اس کردار کے لئے ان سے بہتر کوئی دوسرا نہیں ہو سکتا۔ واضح رہے کہ گلشن کمار کی زندگی پر فلم بننے جا رہی ہے جس کی ہدایت سبھاش کپور کریں گے۔
