شاہ سلمان کو جمہوریہ مالی کے عبوری صدر کا مکتوب موصول
شاہ سلمان کو جمہوریہ مالی کے عبوری صدر کا مکتوب موصول
بدھ 2 مارچ 2022 22:02
سعودی وزیر خارجہ سے مالی کے ہم منصب نے ملاقات کی ہے( فوٹو ایس پی اے)
خادم حرمین شریفین شاہ سلمان بن عبدالعزیز کو جمہوریہ مالی کے عبوری صدر کا ایک مکتوب موصول ہوا ہے۔
سرکاری خبر رساں ایجسنی ایس پی اے کے مطابق مالی کے وزیر خارجہ عبداللہ جوب نے وزیر خارجہ شہزادہ فیصل بن فرحان سے دفتر خارجہ ریاض میں بدھ کو ملاقات کرکے مکتوب حوالے کیا ہے۔
دو طرفہ تعلقات کو فروغ دینے کے طریقوں پر تبادلہ خیال کیا ہے( فوٹو ایس پی اے)
اس موقع پر دونوں وزرا نے مملکت اور مالی کے دو طرفہ تعلقات اور انہیں فروغ دینے کے طریقوں پر تبادلہ خیال کیا۔ باہمی دلچسپی کے علاقائی و بین الاقوامی امور پر نقطہ ہائے نظر کا تبادلہ کیاگیا۔
اس موقع پر معاون وزیر مملکت برائے امور افریقی ممالک ڈاکٹر سامی الصالح بھی موجود تھے۔