پاکستان کے سابق صدر رفیق تارڑ 92 برس کی عمر میں انتقال کر گئے ہیں۔
مسلم لیگ کے رہنما عطااللہ تارڑ نے پیر کو اپنی ٹویٹ میں سابق صدر کے انتقال کی تصدیق کی ہے۔
رفیق تارڑ پاکستان کے نویں صدر کے عہدے پر فائز رہے۔ انہوں نے یکم جنوری 1998 کو اپنے عہدے کا حلف اٹھایا تھا اور 20 جون 2001 تک وہ اس عہدے پر کام کرتے رہے۔
اس سے قبل وہ چھ مارچ 1991 سے یکم نومبر 1994 سپریم کورٹ آف پاکستان کے سینئر جج کے طور پر خدمات انجام دیتے رہے۔
پاکستان کے صدر ڈاکٹر عارف علوی نے بھی سابق صدر کی وفات پر افسوس کا اظہار کیا ہے۔
صدر مملکت ڈاکٹر عارف علوی کا سابق صدر محمد رفیق تارڑ کے انتقال پر اظہار افسوس
صدر مملکت کا سابق صدر کی وفات پر گہرے رنج و غم کا اظہار
اللہ تعالیٰ مرحوم کی مغفرت فرمائے، جوار رحمت میں جگہ عطا فرمائے، صدر مملکت
صدر مملکت کا اہل خانہ سے اظہار ہمدردی، صبر جمیل کی دعا
— The President of Pakistan (@PresOfPakistan) March 7, 2022
پاکستان کی فوج کے سربراہ جنرل قمر جاوید باجوہ نے بھی سابق صدر کی وفات پر دکھ کا اظہار کیا ہے۔
فوج کے شعبہ تعلقات عامہ (آئی ایس پی آر) نے ٹویٹ کیا کہ جنرل قمر جاوید باجوہ نے پاکستان کے سابق صدر محمد رفیق تارڑ کی وفات پر دل کی گہرائیوں سے تعزیت کی ہے اور ان کے ایصال ثواب اور اہل خانہ کے لے لیے دعائیہ کلمات کہے۔
General Qamar Javed Bajwa, #COAS, expresses heartfelt condolences on the sad demise of former President of Pakistan Muhammad Rafiq Tarar. “May Allah bless his soul & give strength to the bereaved family to bear this irreparable loss, Ameen”, COAS.
— DG ISPR (@OfficialDGISPR) March 7, 2022
