دبئی ایئرپورٹ پر خاتون مسافر سے 5 کلو گرام سے زائد کوکین برآمد
دبئی ایئرپورٹ پر خاتون مسافر سے 5 کلو گرام سے زائد کوکین برآمد
بدھ 16 مارچ 2022 22:08
حساس مشینوں اور تجربہ کارعملے کی مدد سے سمگلنگ روکی جارہی ہے( وام)
دبئی میں کسٹم حکام نے لاطینی امریکہ سے آنے والی ایک مسافر خاتون سے 5.6 کلو گرام کوکین برآمد کی ہے۔
دبئی انٹرنیشنل ایئرپورٹ پر نصب ایکسرے مشینوں سے کوکین کا پتا لگایا گیا۔
الامارات الیوم کے مطابق کسٹم حکام نے مسافر خاتون کو روکا اور شناحت کے لیے پاسپورٹ طلب کیا۔ بیگ کی تلاشی لینے پر خفیہ جیب میں پلاسٹک کی سیاہ تھیلیوں میں چھپائی گئی کوکین ملی۔ اس کا وزن 3.2 کلو گرام تھا۔
شیمپو اور کریم کی بوتلوں سے مزید کوکین برآمد کی گئی ہے( فوٹو وام)
بیگ میں موجود خالی شیمپو اور کریم کی بوتلوں چھپائی گئی 2.4 کلو گرام مزید کوکین برآمد کی گئی ہے۔
دبئی کسٹم کے ڈائریکٹر پیسنجر آپریشنز ابراہیم الکمالی نے بتایا کہ حساس مشینیں اور تجربہ کار اہلکاروں کی مدد سے ممنوعہ اشیا کی سمگلنگ روکی جارہی ہے۔
انہوں نے کہا کہ لاطینی امریکہ کی مسافرخاتون کے قبضے سے کوکین کی برآمد کے لیے مصنوعی ذہانت سے بھی کام لیا گیا ہے۔
