ٹی وی اینکر پر شہد کی مکھی کا حملہ

بیونس آئرس ، ارجنٹائن۔۔۔۔۔کبھی کبھی بعض چھوٹی اور عام سی چیزیں خلاف توقع سامنے آکر انسان کو حیران و پریشان کردیتی ہیں ۔ ایسا ہی کچھ یہاں اس وقت دیکھنے میں آیا جب مقامی نیوز ریڈر سولپیریز براہ راست موسم کا حال بتا رہی تھیں کہ اچانک ان کے چہرے کی رنگت بدلتی نظر آئی اور آنکھیں خوف سے پھیل گئیں۔ جس کے بعد ان کی صرف ایک ہی آواز سنی گئی۔ وہ اسٹوڈیو میں گھس آنے والی شہد کی مکھی کو دیکھ کر خوفزدہ ہوئی تھیں اور اسے بھگانے کیلئے اے اے کررہی تھیں مگر جب مکھی بھاگتی نظر نہیں آئی تو وہ خود ہی اسکرین سے آؤٹ ہوگئیں۔ واضح ہو کہ سولپیریز انسٹاگرام پر اسٹار سمجھی جاتی ہیں جہاں ان کے مداحوں کی تعداد 8 لاکھ سے زیادہ ہے۔ وہ اکثر اپنی دلچسپ تصاویر بھی انسٹاگرام پر جاری کرتی رہتی ہیں۔ یہ واقعہ ارجنٹائن کے ٹی وائی سی اسپورٹس چینل پر پیش آیا۔ بعد میں اپنی مضحکہ خیز گھبراہٹ کا خود بھی مذاق اڑایا اور ناظرین سے معذرت کرلی۔