جدہ: ریجنل بلدیہ کی غیرقانونی خوانچہ فروشوں کے خلاف مہم جاری
خوانچے لگا کر سبزیاں وغیرہ فروخت کرنا منع ہے۔ (فوٹو الیوم)
میونسپلٹی جدہ نے العزیزیہ ریجن میں غیرقانونی خوانچہ فروشوں کے خلاف مہم کے دوران 4.2 ٹن غیرمعیاری سبزیاں اور پھل ضبط کرلیے۔
سبق نیوز کے مطابق ریجنل بلدیہ کی سربراہ ھبہ البلوی کا کہنا ہے کہ بلدیہ کی جانب سے غیرقانونی خوانچہ فروشوں کے خلاف مہم جاری ہے۔
بلدیہ کی مختلف ٹیمیں سڑکوں اور محلوں کے اندر غیرقانونی طریقے سے خوانچہ لگانے والوں کے خلاف کارروائی کرتی ہیں جو نہ صرف غیرمعیاری اشیائے خورونوش فروخت کرتے ہیں بلکہ علاقے کے منظر کو بھی خراب کرنے کا باعث بنتے ہیں۔
البلوی کا مزید کہنا تھا کہ ریجنل بلدیہ کی تفتیشی ٹیموں کی جانب سے غیرقانونی خوانچہ فروشوں کے خلاف کارروائیاں جاری ہیں تاکہ اس رجحان کا خاتمہ کیا جاسکے۔
واضح رہے قانون کے مطابق گلی محلوں اور سڑکوں پر اشیائے خورونوش کے خوانچے لگا کر سبزیاں وغیرہ فروخت کرنا منع ہے ایسا کرنے پر بلدیہ کی ٹیمیں خوانچہ فروشوں کے خلاف کارروائی کرتے ہوئے فروخت کی جانے والی اشیا ضبط کرلیتی ہیں جبکہ خوانچہ لگانے والوں کے خلاف قانونی چارہ جوئی بھی کی جاتی ہے۔
بلدیہ جدہ کا خوانچہ فروشوں کے خلاف آپریشن جاریNode ID: 852081
جدہ بلدیہ کی کارروائی، غیرقانونی کچن سیلNode ID: 884537
