ممبئی... ممبئی انڈینز کے آل راونڈر کیرون پولارڈ سابق کرکٹر اور کمنٹیٹر سنجے منجریکر کی جانب سے احمق قرار د ئیے جانے پربھڑک اٹھے۔کولکتہ نائٹ رائیڈرز سے میچ میں پولارڈ اس وقت 16رنز پر آوٹ ہوئے جب ممبئی کو آخری 24 گیندوں پر کامیابی کے لئے 64 رنز درکار تھے۔ جیسے ہی انگلش آل راونڈر کرس وو گس نے پویلین بھیجا۔ کمنٹری کرنے والے منجریکر نے کہا کہ پولارڈ کے پاس اننگز کے آغاز میں کھیلنے والا دماغ ہی نہیں ہے ۔ان ریمارکس کا جواب پولارڈ نے ٹویٹر پر دیتے ہوئے کہا کہ سنجے منجریکر آپ کو بولنے کے لئے رقم ملتی ہے اس لئے جو مرضی آئے منہ سے اگلنے کا سلسلہ جاری رکھیں۔ پولارڈ کے ہموطن ٹینو بیسٹ نے بھی ٹویٹرپر ہی سنجے منجریکر کو ان ریمارکس پر تنقید کا نشانہ بنایا۔
