سعودی عرب میں پبلک پراسیکیوشن نے پھر انتباہ کیا ہے کہ’ مملکت میں دھماکہ خیزمواد اور آتشبازی کی سمگلنگ یا اس کی تیاری کو جرم تصور کیا جائے گا‘۔
عکاظ اخبار کے مطابق پبلک پراسیکیوشن نے بیان میں کہا کہ ’دھماکہ خیز مواد سمگل کرنے، اسے تیار کرنے یا مملکت میں اس کی فروخت میں ملوث افراد کو قانون کے مطابق قید اورجرمانے کی سزا دی جائے گی‘۔
پبلک پراسیکیوشن نے واضح کیا کہ ’قانون کی خلاف ورزی پر 6 ماہ تک قید اور ایک لاکھ ریال تک جرمانے یا دونوں میں سے کوئی ایک سزا دی جاسکے گی‘۔
یاد رہے کہ پبلک پراسیکیوشن مطابق بغیر اجازت ہتھیار اور گولہ بارود رکھنا بھی قانوناً جرم ہے۔ اس پر 18 ماہ تک قید کی سزا ہوسکتی ہے۔ عوامی مقامات پر ہوائی فائرنگ کی بھی ممنوع ہے۔
