عکاظ اخبار کے مطابق جدہ شہر میں ٹریفک ازدحام پرقابو پانے اور لوگوں کو ٹرانسپورٹ کی بہتر سہولت فراہم کرنے کے لیے بجلی سے چلنے والی بس سروس شروع کی گئی ہے جن میں مسافروں کی سلامتی کو مدنظر رکھتے ہوئے معیاری سہولت فراہم کی گئی ہے۔
ابتدائی مرحلے میں اہم روٹس پر الیکٹریکل بسیں فراہم کی گئی ہیں جن کی تعداد 76 ہے ۔ 19 روٹس کے مجموعی اسٹیشنز کی تعداد 91 ہے۔ تمام بسوں کا مرکزی اسٹیشن ’البلد‘ ہے جہاں سے مختلف روٹس کے لیے یہ بسیں دستیاب ہیں۔
الیکٹریکل بسوں کے مرکزی ٹریکس میں شاہ فہد روڈ (روٹ 9) شہزادہ متعب روڈ (روٹ 8 اے) المکروہ روڈ (روٹ 9 بی) اور اولڈ مکہ روڈ (روٹ 10) اس کے علاوہ صنعتی زون کے لیے متعدد روٹس پر عوامی بس سروس کی سہولت موجود ہے۔
ابتدائی طورپر شہر کے 19 روٹس پر ماحول دوست بس سروس شروع کی گئی ہے(فوٹو، ایکس اکاونٹ)
واضح رہے جدید بسیں جنہیں بجلی سے جارچ کیا جاتا ہے انتہائی جدید ترین ٹیکنالوجی کی حامل ہیں جن میں نہ تو انجن کا شور ہوتا ہے اور نہ ہی ان سے دھواں نکلتا ہے جس کی وجہ سے انہیں ماحول دوست کہا جاتا ہے۔
