مسلسل اضافے کے بعد سونے کی قیمت میں کمی

پاکستان میں سونے کی قیمت میں کئی روز کے مسلسل اضافے کے بعد کمی ہوئی ہے۔

سندھ صرافہ بازار ایسوسی ایشن کے مطابق جمعہ کو 24 قیراط سونے کی فی تولہ قیمت میں 700 روپے کی کمی ہوئی۔

حالیہ کمی ایک ایسے وقت میں ہوئی ہے جب گزشتہ چند روز کے دوران فی تولہ سونے کی قیمت میں 3000 روپے کا اضافہ ہوا اور یہ ملکی تاریخ کے بلند ترین سطح پر پہنچ گئی تھی۔

جمعہ کو ہونے والی تبدیلی کے بعد فی تولہ سونے کی قیمت 135300 روپے رہی۔

دس گرام سونے کی قیمت 600 روپے کی کمی کے بعد 115998 روپے رہی۔

انٹرنیشنل گولڈ مارکیٹ میں ٹریڈنگ کے دوران سونے کی فی اونس قیمت 28 ڈالر کی کمی کے بعد 1818 ڈالر رہی۔

پاکستان میں چاندی کی قیمت بغیر کسی کمی و اضافے کے سابق سطح پر برقرار رہے۔