لنڈی کوتل میں انسداد پولیو ٹیم پر حملہ، ایک ایف سی اہلکار زخمی
واضح رہے کہ پاکستان کے صوبہ خیبرپختونخوا میں پولیو کے قطرے پلانے والی ٹیموں پر اس سے قبل بھی حملے ہوتے رہے ہیں (فائل فوٹو: اے ایف پی)
پاکستان کے صوبہ خیبر پختونخوا کے علاقے درو اڈا اکاخیل(لنڈی کوتل) میں پولیو ٹیم پر نامعلوم افراد کی فائرنگ سے ایک ایف سی اہلکار زخمی ہو گیا ہے۔
سکیورٹی حکام کے مطابق فائرنگ کا یہ واقعہ جمعرات کو دن پونے 12 بجے پیش آیا۔
فائرنگ میں ایف سی اہلکار عاقب کو کندھے کے نچلے حصے میں گولی لگی۔
زخمی اہلکار کو طبی امداد کے لیے سی ایم ایچ پشاور منتقل کر دیا گیا ہے۔
واضح رہے کہ پاکستان کے صوبہ خیبرپختونخوا میں پولیو کے قطرے پلانے والی ٹیموں پر اس سے قبل بھی حملے ہوتے رہے ہیں۔
گزشتہ برس جون میں مردان میں انسداد پولیو ٹیم پر حملے میں دو سکیورٹی اہلکار ہلاک ہو گئے تھے۔ بعدازاں دسمبر 2021 میں بھی ضلع ٹانک میں ایسے ہی ایک حملے میں پولیس اہلکار کی ہلاکت ہوئی تھی۔
خیبر پختونخوا میں انسداد پولیو مہم، ایک اور سکیورٹی اہلکار ہلاکNode ID: 587806
خیبرپختونخوا میں انسداد پولیو ٹیم پر حملہ، سکیورٹی اہلکار ہلاکNode ID: 626166
انسداد پولیو ٹیم پر دو دن میں دوسرا حملہ، پولیس اہلکار ہلاکNode ID: 626476
