غیر قانونی تارکین کو ٹرانسپورٹ فراہم کرنے پر شہری گرفتار
اتوار 2 اکتوبر 2022 10:53
’شک کی بنیاد پر اسے روکا گیا تو معلوم ہوا کہ تمام سوار نہ صرف غیر قانونی ہیں بلکہ درانداز بھی ہیں‘ ( فوٹو: سبق)
جازان پولیس نے غیر قانونی تارکین کو ٹرانسپورٹ کی سہولت فراہم کرنے پرایک شہری گرفتار کرلیا ہے۔
سعودی پریس ایجنسی کے مطابق مذکورہ شخص نے غیر قانونی طور پر سرحد عبور کرکے ملک میں داخل ہونے والے 9 ایتھوپی تارکین کو اپنی گاڑی میں سوار کیا تھا۔
پولیس نے کہا ہے کہ ’مذکورہ شخص ویران جگہوں پرگاڑی چلا رہا تھا اور اس کے ساتھ متعدد افراد سوار تھے‘۔
’شک کی بنیاد پر اسے روکا گیا اور تفتیش کرنے پر معلوم ہوا کہ تمام سوار نہ صرف غیر قانونی ہیں بلکہ درانداز بھی ہیں‘۔
’مذکورہ افراد کو ادارہ ترحیل کے حوالے کردیا گیا ہے جبکہ شہری کو سنگین جرم کے ارتکاب پر پبلک پراسیکیوشن کے حوالے کردیا گیا ہے‘۔
پولیس نے کہا ہے کہ ’غیر قانونی تارکین کی مدد کرنا، انہیں کسی قسم کی سہولت فراہم کرنا یا ان کے ساتھ تعاون کرنا سنگین جرم ہے‘۔
’ایسا کرنے پر 15 سال قید یا 10 لاکھ ریال جرمانہ یا دونوں سزائیں ہوسکتی ہیں‘۔
معذور ہونے پر سعودی اہلکار نے تیراندازی شروع کردیNode ID: 705736
