سعودی عرب نے فیفا ورلڈ کپ کی میزبانی کی درخواست نہیں دی
’سوشل میڈیا اور دیگر ذرائع پر پھلائی جانے والی خبر بے بنیاد ہے‘ (فوٹو: سبق)
سعودی وزارت سیاحت نے کہا ہے کہ اس نے فیفا ورلڈ کپ کی سعودی عرب میں میزبانی کرنے کی درخواست نہیں دی۔
سبق ویب سائٹ کے مطابق وزارت نے کہا ہے کہ ’سوشل میڈیا اور دیگر ذرائع پر پھلائی جانے والی خبر بے بنیاد ہے‘۔
وزارت سیاحت نے کہا ہے کہ ’سعودی عرب عالمی سپورٹس مقابلوں کی میزبانی کا اہتمام کرتا ہے اور وژن 2030 کے اہداف کے مطابق سعودی عرب میں کھیلوں اور سیاحت کی ترویج کا حریص ہے‘۔
’لیکن وزارت سیاحت سمیت کسی بھی ادارے نے فیفا ورلڈ کپ کی میزبانی کی درخواست جمع نہیں کرائی ہے‘۔
