’رماح النصر‘ فوجی مشقیں، پاکستان اور امریکہ سمیت دیگر ملکوں کی شرکت
سعودی وزارت دفاع نے کہا ہے کہ ’رماح النصر 2023‘ (کامیابی کے تیر) فوجی مشقوں میں پاکستان سمیت متعدد برادر اور دوست ممالک کے عسکری دستے شامل ہوں گے۔
وزارت دفاع نے جمعے کو ٹوئٹر پر بیان میں کہا کہ’ رمام النصر 2023 مشقوں میں شرکت کرنے والے فوجی دستے ایئر وار سینٹر پہنچ گئے۔ تیاریاں مکمل ہیں‘۔
مشقوں میں جی سی سی، برطانیہ، یونان اور اردن کے فوجی بھی شریک ہیں (فوٹو: ٹوئٹر وزارت دفاع)
بیان میں کہا گیا کہ’ مشقوں میں سعودی مسلح افواج کے تمام شعبوں، وزارت نیشنل گارڈز اور ریاستی سلامتی پریذیڈنسی کے عسکری دستے شریک ہوں گے’۔
وزارت دفاع کا کہنا ہے کہ’ رماح النصر مشقوں میں جی سی سی، امریکہ، برطانیہ، پاکستان، یونان اور اردن کے فوجی شریک ہورہے ہیں‘۔
