وادی الشھران کے سیلاب میں دولہا دلہن بچ گئے

مکہ مکرمہ ..... وادی الشھران کے سیلاب میں دولہا دلہن کی کار بہتے بہتے رہ گئی۔ جیپ میں فیملی سفر کررہی تھی۔ اچانک موسلا دھار بارش کے باعث وادی الشھران طوفانی دریا میں تبدیل ہوگیا۔ دولہا دلہن بھی جیپ میں موجود تھے۔ مقامی نوجوان فواز العرابی الحارثی نے جان خطرے میں ڈالکر دولہا دلہن کی کار کو سیلاب کی نذر ہونے سے بچالیا۔ اسکی وڈیو سوشل میڈیا پر وائرل ہوگئی۔ گاڑی کو بھاری نقصان پہنچا تاہم دولہا دلہن سمیت فیملی کے تمام افراد بسلامت گھر پہنچ گئے۔