اشرف حکیمی کی جائیداد والدہ کے نام، کیا طلاق کے بعد اہلیہ کو کچھ نہیں ملے گا؟
ہفتہ 15 اپریل 2023 14:57
سوشل ڈیسک -اردو نیوز
اشرف حکیمی کی اہلیہ معروف ہسپانوی ماڈل حبا ابوک ہیں۔ (فائل فوٹو: روئٹرز)
مراکشی فٹ بالر اشرف حکیمی پچھلے کئی ہفتوں سے ریپ کے الزامات کی وجہ سے خبروں میں ہیں اور اسی سبب ان کی اہلیہ حبا ابوک نے ان سے طلاق لینے کا فیصلہ کیا ہے تاہم ہسپانوی میڈیا کے مطابق طلاق کی صورت میں حبا ابوک کو اشرف حکیمی کی جائیداد میں حصہ نہیں ملے گا۔
خیال رہے کچھ ہفتوں قبل ایک 24 سالہ فرانسیسی خاتون نے دعویٰ کیا تھا کہ اشرف حکیمی نے انہیں زیادتی کا نشانی بنایا اور یہ واقعہ اس وقت پیش آیا جب فٹ بال کی اہلیہ اور بچے گھر پر موجود نہیں تھے۔
ہسپانوی اخبار ’مارکا‘ کے مطابق حبا ابوک نے طلاق کی صورت میں اشرف حکیمی کی جائیداد اور اثاثوں میں سے آدھا حصہ مانگا تھا لیکن وہ یہ جان کر حیران رہ گئیں کہ مراکشی فٹ بالر کے نام پر کوئی جائیداد نہیں کیونکہ انہیں تمام اثاثے قانونی طور پر اپنی والدہ کے نام کیے ہوئے ہیں۔
رپورٹ میں کہا گیا ہے کہ اشرف حکیمی کی تنخواہ اور دیگر اثاثوں سے آنے والی رقم پچھلے کئی سالوں سے ان کی والدہ کے بینک اکاؤنٹ میں آ رہی ہے۔
ہسپانوی اخبار ’مارکا‘ کے مطابق اگر حبا ابوک کو اشرف حکیمی کی جائیداد سے حصہ نہ بھی ملے تو انہیں کوئی فرق نہیں پڑتا کیونکہ ان کے پاس اپنی بھی دولت موجود ہے۔
خیال رہے اشرف حکیمی مراکشی فٹ بال ٹیم کے علاوہ مشہور فرانسیسی کلب پیرس سینٹ جرمین کے لیے بھی کھیلتے ہیں جبکہ ان کی اہلیہ حبا ابوک معروف ہسپانوی اداکارہ اور ماڈل ہیں جو متعدد ہسپانوی ڈراموں میں جلوہ گر ہو چکی ہیں۔
’ماں گھروں کی صفائی کرتی تھیں،‘ مراکشی فٹ بالر اشرف حکیمیNode ID: 723966
’اب کچھ باقی نہیں،‘ کیا میسی فٹ بال سے ریٹائرمنٹ کا سوچ رہے ہیں؟Node ID: 739601
