گھریلو ملازمہ شاندار الوداعی تقریب پر حیران، خوشی سے آنسو چھلک پڑے

 سعودی خاندان نے گھریلو ملا زمہ کے اعزاز میں شاندار الوداعی تریب کا انعقاد کرکے اسے حیران کردیا۔ 

المرصد ویب سائٹ کے مطابق گھریلو ملازمہ نے سعودی خاندان کے ہمراہ چھ برس گزارے۔ وطن واپسی پر سعودی خاندان نے اس کے اعزاز میں الوداعیہ دیا تو ملازمہ حیران رہ گئی اور خوشی سے آنسو چھلک پڑے۔ 

نوٹوں اور گلاب کے پھولوں سے سجا گلدستہ، کیک اور خاندان کے افراد کو ایک جگہ جمع دیکھ کر گھریلو ملازمہ کو یقین نہیں آرہا تھا کہ یہ سب کچھ اس کے اعزاز میں ہورہا ہے۔ 

الوداعی تقریب کی وڈیو سوشل میڈیا پر وائرل ہے جس میں دیکھا جا سکتا ہے کہ سعودی خاندان گھریلو ملازمہ کی خدمات پر شکریہ ادا کررہا ہے۔

سعودی خاندان نے گھریلوملازمہ کو مخاطب کرتے ہوئے کہا کہ’ شاندار خدمات پر دلی شکریہ ادا کرتے ہیں۔ آپ ہمیشہ فیملی کا اہم حصہ رہیں۔ آپ کو یاد کریں گے۔ بہتر مستقبل کے آرزو مند ہیں‘۔