پرمٹ کے بغیر کنواں کھودنے پر دو لاکھ ریال جرمانہ
قواعد و ضوابط کی 36 خلاف ورزیوں کا چارٹ بھی جاری کیا گیا ہے (فوٹو: اخبار 24)
سعودی وزارت ماحولیات و پانی وزراعت نے کنوؤں کی کھدائی کے لیے پرمٹ کے نئے قواعد و ضوابط جاری کیے ہیں۔
اخبار 24 کے مطابق وزارت ماحولیات و پانی و زراعت نے مقررہ قواعد و ضوابط کی 36 خلاف ورزیوں کا چارٹ بھی جاری کیا ہے۔
وزارت کا کہنا ہے’بغیر پرمٹ کنواں کھودنے پر دو لاکھ ریال جرمانہ مقرر کیا گیا ہے‘۔
وزارت کا کہنا ہے کہ ’پرمٹ کے بغیر کوئی بھی شخص کنواں کھودنے، گہرا کرنے، پاٹنے اور صاف کرنے کی سروس نہیں دے سکتا‘۔
وزارت نے یہ بھی پابندی لگائی ہے کہ کنواں کھودنے والے ادارے میں آن لائن ادائیگی سسٹم ضروری ہے۔
وزارت کا کہنا ہے کہ’ کنوؤں کی کھدائی، صفائی اور انہیں گہرا کرنے کے کام کی نگرانی ماہر طبقات الارض کے ذمے ہے۔ اس کے بغیران کاموں میں سے کوئی بھی نہیں کیا جاسکتا‘۔
’اگر کنویں کی کھدائی سے آلودگی پیدا ہوجائے یا طبقات الارض میں کوئی خرابی واقع تو ایسی صورت میں اصلاح کی ذمہ داری پرمٹ ہولڈر کی ہوگی‘۔
مکہ مکرمہ کا ’جعرانہ ‘کنواں کیوں بند کیا ؟Node ID: 688021
کنواں کھودنے کا کام کرنے والے تین غیر ملکی گرفتارNode ID: 710626
