ورلڈ کپ: جنوبی افریقہ نے بنگلہ دیش کو 149 رنز سے شکست دے دی

آئی سی سی کرکٹ ورلڈ کپ کے 23 ویں میچ میں جنوبی افریقہ نے بنگلہ دیش کو 149 رنز سے شکست دے دی ہے۔

منگل کو ممبئی میں کھیلے گئے میچ میں جنوبی افریقہ نے پہلے بیٹنگ کرتے ہوئے بنگلہ دیش کو جیت کے لیے 383 رنز کے ہدف کا ہدف دیا تھا۔

جنوبی افریقہ کی طرف سے بیٹنگ کرتے ہوئے کوئنٹن ڈی کوک نے 174 رنز کی اننگز کھیلی جبکہ اُن کے علاوہ ہینرک کلاسین نے 90  اور کپتان ایڈن مارکرم نے 60 رنز بنائے۔

بنگلہ دیش کی جانب سے بولنگ کرتے ہوئے حسن محمود نے دو جبکہ مہدی حسن میراز، شوریفُل اسلام اور شکیب الحسن نے ایک ایک وکٹ حاصل کی۔

جنوبی افریقہ کی طرف سے دیے گئے ہدف کے تعاقب میں بنگلہ دیش کی بیٹنگ اننگز کی شروعات سے ہی مشکلات کا شکار نظر آئی۔

بنگلہ دیش کی جانب سے محمود اللہ نے 111 گیندوں پر 111 رنز سکور کیے۔ اُن کے علاوہ کوئی بھی بنگلہ دیشی بیٹر جنوبی افریقہ بولرز کے سامنے مزاحمت نہیں کر سکا۔

لیزاڈ ولیمز اور کگیسو رباڈا نے دو، دو وکٹیں حاصل کیں۔

اس میچ کے لیے دونوں ٹیموں میں ایک ایک تبدیلی کی گئی تھی جس کے بعد بنگلہ دیش کی پلئینگ الیون میں توحید ہِری دوئے کی جگہ کپتان شکیب الحسن واپس آئے تھے۔

اسی طرح جنوبی افریقہ کی ٹیم میں فاسٹ بولر لُنگی نگیڑی کی جگہ لِیزاڈ ولیمز کو ٹیم میں شامل کیا گیا ہے۔

اس میچ میں جنوبی افریقہ کو کپتان ٹیمبا باوُوما کی خدمات حاصل نہیں تھیں جس کے باعث اُن کی جگہ ٹیم کی کپتانی ایڈن مارکرم کر رہے تھے۔

اگر دونوں ٹیموں کے درمیان اب تک ون ڈے میچوں کی تاریخ کو دیکھا جائے تو جنوبی افریقہ اور بنگلہ دیش 24 مرتبہ آمنے سامنے آ چکے ہیں جس میں 18 مرتبہ پروٹیئز اور 6 مرتبہ بنگال ٹائیگرز کو فتح حاصل ہوئی۔

جنوبی افریقہ کی پلئینگ الیون
جنوبی افریقہ کی ٹیم میں کوئنٹن ڈی کوک (وکٹ کیپر)، رِیزا ہینڈرکس، رَسی فین ڈر ڈوسن، ایڈن مارکرم (کپتان)، ہینرک کلاسین، ڈیوڈ مِلر، مارکو یانسین، کیشوو مہاراج، کاگیسو راباڈا اور لیزاڈ ولیمز شامل ہیں۔

بنگلہ دیش کی پلئینگ الیون
بنگلہ دیش کی ٹیم میں لٹن داس، تنزید حسن، مہدی حسن میراز، نجم الحسین شانتو، مشفیق الرحیم (وکٹ کیپر)، شکیب الحسن (کپتان)، محموداللہ، ناسُم احمد، مستفیض الرحمان، شوریفُل اسلام اور حسن محمود شامل ہیں۔