سعودی وزیر خارجہ کی غزہ کی صورتحال پر فرانسیسی اور ایرانی ہم منصب سے گفتگو

سعودی وزیر خارجہ شہزادہ فیصل بن فرحان نے غزہ کی صورتحال پر فرانس اور ایران کے وزیر خارجہ کے ساتھ ساتھ گفتگو کی ہے۔

عرب نیوز کے مطابق شہزادہ فیصل بن فرخان نے اپنے فرانسیسی اور ایرانی  ہم منصبوں کے ساتھ الگ الگ ٹیلی فون پر گفتگو کی۔

فیصل بن فرحان نے اپنے فرانسیسی ہم منصب کیتھرائن کولونا کا غزہ میں جنگ بندی کے لیے اقوام متحدہ کی قرار داد کی حمایت پر شکریہ ادا کیا۔

سعودی وزیرخارجہ نے اپنے ایرانی ہم منصب حسین عامر عبد الہیان کے ساتھ گفتکو میں عالمی برادری کی جانب سے غزہ میں سیز فائر کروانے کی اہمیت پر زور دیا۔

انہوں نے تیز ہوتے ہوئے ملٹری آپریشن کے تناظر میں سویلین کی حفاظت کو یقینی بنانے پر زور دیا۔