سعودی ولی عہد شہزادہ محمد بن سلمان نے مصر کے صدر عبدالفتاح السیسی سے پیر کو ٹیلی فون پر رابطہ کیا ہے۔
خبر رساں ایجنسی ایس پی اے کے مطابق شہزادہ محمد بن سلمان نے تیسری مرتبہ صدارتی انتخاب میں کامیابی پر صدرالسیسی کو مبارکباد دی۔
سعودی ولی عہد نے ٹیلی فونک رابطے میں مصری صدر اور برادر عوام کے لیے ترقی و خوشحالی کی خواہش کا اظہار کیا۔
صدر السیسی نے’ مخلصانہ جذبات‘ کے لیے سعودی ولی عہد کا شکریہ ادا کیا۔
یاد رہے کہ عبدالفتاح السیسی 18 دسمبر کو ہونے والے صدارتی الیکشن میں 89.6 فیصد ووٹ لے کر چھ سالہ نئی مدت کے لیے منتخب ہوئے ہیں۔
مصر کی نیشنل الیکشن اتھارٹی نے بتایا 67.3 ملین سے زیادہ رجسٹرڈ ووٹرزمیں سے 66.8 ملین رائے دہندگان نے ووٹ ڈالے۔
