ملائیشیا کے وزیر داخلہ داتوک سیری سیف الدین ناسیتیون نے اپنے وفد کے ہمراہ مدینہ منورہ میں شاہ فہد کمپلیکس برائے اشاعت قرآن کا دورہ کیا۔
سعودی خبررساں ادارے ایس پی اے کے مطابق کمپلیکس کے سیکریٹری جنرل عاطف بن ابراہیم العلیان نے ان کا خیرمقدم کیا۔
اس موقع پر ملائیشیا کے وزیر داخلہ اور ہمراہ وفد کو ویڈیو پریزنٹیشن دی گئی جس میں کمپلیکس میں مختلف شعبوں کے حوالے سے معلومات فراہم کی گئیں۔ قرآن پاک کے مختلف زبانوں میں ترجمے اور طباعت میں کمپلیکس کی خدمات پر روشنی ڈالی گئی۔
اس موقع پر مہمانوں کو بتایا گیا کہ قرآن پاک کے نسخے حج اور عمرہ پر آنے والے مختلف ممالک کے زائرین اور حجاج میں سعودی قیادت کی جانب سے مفت تقسیم کیے جاتے ہیں اور مملکت بھر کی مساجد اور دنیا بھر کو فراہم کیے جاتے ہیں۔
