مزدور کو طمانچہ مارنے پر نوجوان کیخلاف کارروائی
ریاض ....وزارت محنت و سماجی فروغ کے ترجمان خالد ابا الخیل نے بتایا کہ رمضان المبارک میں دن کے وقت کھانا کھانے والے مزدور کو طمانچہ رسید کرنے والے نوجوان کے خلاف تادیبی کارروائی کردی گئی۔ ابا الخیل نے بتایا کہ وزارت کو اسکی اطلاع ایک وڈیو کلپ کے ذریعے ہوئی جس میں نوجوان کو صفائی کارکن کو طمانچہ رسید کرتے ہوئے دکھایا گیا ہے۔ سوشل میڈیا پر مقامی شہریوں نے سعودی نوجوان کے اس تصرف پر برہمی کا اظہار کیا۔
