سعودی عرب میں فوجداری مقدمات کی سماعت کریمنل کورٹس میں ججوں کے تین رکنی پینل کے ذریعے کی جائے گی۔ سپریم جوڈیشل کونسل کے سربراہ نے اس کی منظوری دی ہے۔
سرکاری خبر رساں ایجنسی ایس پی اے کے مطابق کونسل کے اس فیصلے پر متعلقہ محکموں اور وزارت انصاف کے تعاون سے بتدریج عملدرآمد کرایا جائے گا۔
کونسل کے سربراہ ولید الصمعانی نے متعدد فیصلے جاری کیے ہیں جس کا مقصد عدالتی تحفظ کو فروغ دینا اور فیصلوں کے معیار کو بہتر بنانا ہے۔
ان میں فیملی کیسز کو خصوصی طور پر 12 پرسنل سٹیٹس کورٹس کے ذریعے سننے کی منظوری اور ان علاقوں میں واقع عام عدالتوں میں ذاتی حیثیت کے پینل کا انتخاب شامل ہے جہاں پرسنل سٹیٹس کورٹس دستیاب نہیں ہیں۔
