فٹبال کی عالمی تنظیم فیفا کے جانب سے سوشل میڈیا پلیٹ فارمز پر پاکستانی گانے اور مواد شیئر کرنے کا سلسلہ جاری ہے۔
فیفا نے ایک مرتبہ پھر سے ویڈیو سٹریمنگ پلیٹ فارم ٹک ٹاک پر پاکستانی گانا شیئر کر دیا۔
مزید پڑھیں
فیفا نے ٹک ٹاک پر فرانسیسی فٹبالر مباپے کی ویڈیو شیئر کی جس پر کوک سٹوڈیو پاکستان کے گانے ’بلاک بسٹر‘ کے بول شامل کیے گئے۔
کوک سٹوڈیو پاکستان کے پروڈیوسر ذوالفقار نے فوٹو اینڈ ویڈیو شیئرنگ پلیٹ فارم انسٹاگرام پر اپنی پوسٹ میں لکھا کہ ’ہماری آواز، ہماری بِیٹ سرحدوں کو عبور کر رہی ہے، وہ اہداف حاصل کر رہے ہیں جو کبھی ناممکن دکھائی دیتے تھے۔‘
انہوں نے مزید لکھا کہ ’پاکستان آپ کو مبارک ہو۔ یہ ہمارے لیے شاندار اور بہت بڑی بات ہے۔‘
انہوں نے مزید لکھا کہ ’بالکل ناقابلِ یقین ہے۔‘
فیفا کی جانب سے یہ مخصوص پوسٹ خطے کے عوام کے لیے ٹارگٹ پوسٹ ہے۔
اس سے قبل فیفا عید کے موقع پر پاکستانی فٹبالر اوٹس خان کے حوالے سے بھی صرف پاکستانی صارفین کے لیے پوسٹ کر چکا ہے۔
Mbappe's "BLOCKBUSTER” entry
