ریاض: موھبہ کے زیراہتمام 56 ویں بین الاقوامی کیمسٹری اولمپیاڈ کا اہتمام

کنگ عبدالعزیز اور ان کی ساتھیوں کی فاؤنڈیشن ’موھبہ‘ کے زیراہتمام ریاض میں 56 ویں انٹرنیشنل کیمسٹری اولمپیاڈ کا اہتمام کیا گیا ہے۔

عرب نیوز کے مطابق موھبہ کی سیکرٹری جنرل ڈاکٹر امال الھزاع اور فاؤنڈیشن کے متعدد عہدیداروں اور بین الاقوامی مندوبین کی موجودگی میں طلباء نے مختلف امتحانات میں حصہ لیا۔

جولائی کے آخر تک جاری رہنے والی تقریب میں طلباء اور نگرانوں کو دعوت دی گئی ہے جو مختلف سرگرمیاں پیش کرنے کے علاوہ مملکت کے ثقافتی ورثے کی نمائندگی کریں گے۔

موھبہ کے اس بین الاقوامی پروگرام میں 333 طلبہ حصہ لے رہے ہیں ، طلبہ کی کارکردگی کا جائزہ لینے کے لیے تقریباً 90 ممالک سے کیمسٹری کے شعبے میں 260 بین الاقوامی ماہرین کر رہے ہیں۔

بین الاقوامی کیمسٹری اولمپیاڈ کے مندوبین نے مملکت کے ثقافتی ورثے میں اونٹوں کی دوڑ اور دیگر مقابلوں کا بھی مشاہدہ کیا، موھبہ کی جانب سے مختلف مقابلوں کا اہتمام کیا گیا ہے۔

تقریب میں مختلف سرگرمیوں کا اہتمام کیا گیاہے جس میں فالکن شو کے علاوہ مختلف علاقائی دستکاریوں کے ماڈلز نمائش کے لیے رکھے گئے ہیں۔

تقریب میں مملکت کی تاریخ کے حوالے سے دکھائی جانے والی نمائش میں منفردد اشیاء رکھی گئی ہیں جن میں تلواریں  اور دیگر اوزار شامل ہیں جو خطے میں مختلف پیشوں کے لیے صدیوں سے استعمال کئے جاتے تھے۔

تقریب میں شامل طلباء کو پانچ دن کی تیاری اور سائنسی امتحان دینے کے بعد کچھ تفریح  ​​کے مواقع مہیا کئے گئے ہیں جن میں مختلف قسم کی انفرادی اور اجتماعی کھیلوں کا اہتمام کیا گیا ہے۔

ہر بین الاقوامی وفد میں ہائی سکول کے چار باصلاحیت طلباء اور دو سرپرست شامل ہیں جن میں سے ایک کو وفد کا سربراہ یا چیف سرپرست نامزد کیا گیا ہے۔ بین الاقوامی وفود میں معزز مہمانوں کے ہمراہ سائنسی مبصرین بھی شریک ہیں۔

مملکت کی جانب سے اس تقریب کی میزبانی میں سعودی طلبہ کے ہنر کی بین الاقوامی میدان میں عکاسی کی گئی ہے اور مختلف سائنسی شعبوں میں سرکردہ عالمی منزل کے طور پر مملکت کی حیثیت کو واضح کرتی ہے۔

موھیبہ کی جانب سے اس تقریب کا اہتمام سعودی وزارت تعلیم اور کنگ سعود یونیورسٹی کی شراکت  کے ساتھ سعودی بیسک انڈسٹریز کارپوریشن کے تعاون سے کیا گیا ہے۔

• سعودی عرب کی مزید خبروں کے لیے واٹس ایپ گروپ جوائن کریں