سعودی عرب کے ولی عہد شہزادہ محمد بن سلمان سے فرانسیسی صدر ایمانویل میکخواں نے ٹیلیفونک رابطہ کیا جس میں خطے میں کشیدگی کو کم کرنے پر گفتگو کی گئی۔
سعودی پریس ایجنسی نے منگل کی صبح بتایا کہ دونوں رہنماؤں نے کشیدگی کو کم کرنے اور خطے کو تنازعات کے پھیلنے کے خطرے سے بچانے کی اہمیت کا اعادہ کیا۔
انہوں نے غزہ میں ہونے والی تازہ ترین پیش رفت اور جنگ زدہ علاقے میں جنگ بندی کے لیے کی جانے والی کوششوں کا بھی جائزہ لیا۔
