مکہ مکرمہ میونسپلٹی نے ڈیجیٹل ٹیکنالوجی اور سیٹلائٹس کی مدد سے سڑکوں اور فٹ پاتھوں کی دیکھ بھال کے لیے ایک جدید نظام تیار کیا ہے۔ یہ جدید تکنیکی اور انتظامی طریقوں میں سے ایک ہے جو مکہ میں روڈ نیٹ ورک کی مینٹینس اور ڈیولپمنٹ کے لیے اختیار کیا گیا ہے۔

اخبار 24 کے مطابق میونسپلٹی نے بتایا نیا نظام سڑکوں کے نمایاں نقائص کی جلد نشاندہی، کارکردگی اور معیار بڑھانے، منظور شدہ تکنیکی معیارات کو حاصل کرنے اور سڑکوں کے نقائص  دور کرنے کے لیے ڈیجیٹل حل تلاش کرنے میں مدد دیتا ہے۔

مکہ میونسپلٹی کے مطابق یہ نظام درست اور مربوط رپورٹس کے اجرا، ضروری دیکھ بھال، مرمت اور بحالی اور روڈ نیٹ ورک کی کارکردگی کی بہترین سطح کو برقرار رکھنے کے لیے دستیاب وسائل اور توانائی کو بہترین طریقے سے استعمال پر انحصار کرتا ہے۔

 یہ نظام جی پی ایس سیٹلائٹ کے تحت لیزر اسکینر کے ذریعے مربوط ڈیجیٹل ٹیکنالوجی کے ساتھ کام کرتا ہے اور اصل سڑک کی سطح کو ظاہر کرنے کے لئے ایک گاڑی پر نصب کیا جاتا ہے۔ اعداد و شمار جمع کرنے کے عمل کے دوران ٹریفک میں خلل نہ ڈالنے کی خصوصیت ہے۔

سکریپنگ کا کام جی پی ایس کا استعمال کرتے ہوئے تھری ڈی ٹیکنالوجی کے ساتھ خود بخود اور ڈرائیور کی مداخلت کے بغیر کیا جاتا ہے۔

 نیا نظام (سونک)  سینسرم کا استعمال کرتے ہوئے درستگی کے ساتھ کام کرتا ہے۔ 

مکہ میونسپلٹی کا کہنا تھا اس سسٹم کے فوائد میں سے ایک الیکٹرانک ایپلی کیشن ہے۔ تمام آپریشنز ڈیجیٹل ٹیکنالوجی کے ذریعے کیے جاتے ہیں تاکہ ہر آپریشن کے اختتام پر درست اور جامع رپورٹس جاری کی جاسکیں۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں