سعودی عرب کے الشرقیہ ریجن کے الخبر گورنریٹ میں سعودی سرحدی محافظوں کی سرچ اینڈ ریسکیو ٹیموں نے 4 مصری شہریوں کو تیراکی کے دوران ڈوبنے سے بچا لیا۔
ایس پی اے کے مطابق سرحدی محافظوں نے اطلاع ملنے پر فوری مدد فرہم کی اور انہیں ہسپتال منتقل کیا۔
جنرل ڈائریکٹوریٹ آف بارڈر گارڈز نے میرین ٹائم سیفٹی گائیڈ لائنز پرعمل کرنے اور احتیاط برتنے پر زور دیا ہے۔
بیان میں یہ بھی کہا گیا کہ مخصوص مقامات پر تیراکی کے دوران بچوں کی بھی نگرانی کی جائے۔
مکہ مکرمہ اور مشرقی ریجن میں 911 اور مملکت کے دیگر علاقوں میں 994 پر ہنگامی امداد کےلیے کال کی جا سکتی ہے۔
