طائف میں اونٹ فیسٹول کی اختتامی تقریب،57 ملین ریال کے انعامات

سعودی ولی عہد شہزادہ محمد بن سلمان بن عبدالعزیز کی زیر نگرانی سعودی کیمل فیڈریشن کی جانب سے چھٹے ولی اونٹ فیسٹول کی اختتامی تقریب ریس گراونڈ طائف میں منعقد کی گئی۔

سعودی خبررساں ایجنسی ’ایس پی اے‘ کے مطابق نائب گورنر مکہ ریجن شہزادہ سعود بن مشعل بن عبدالعزیز نے اختتامی تقریب کی صدارت کی۔

اونٹ فیسٹول کی اختتامی تقریب کے چار روانڈ تھے۔ اونٹ ریس کے لیے 6 کلو میٹر کی مسافت مقرر تھی جس میں 107 شتربانوں نے حصہ لیا۔

اونٹ ریس کے لیے مجموعی طورپر 57 ملین ریال کے انعامات رکھے گئے تھے جو مقامی اور دیگر ممالک سے تعلق رکھنے والے شتربانوں میں تقسیم کیے گئے۔

پہلا انعام 10 لاکھ ریال اور ایک رائفل سعودی شتربان حفیظ سعید المری کو دیا گیا جس نے 9 منٹ 13 سیکنڈ میں ریس جیتی۔

دوسرے راونڈ کو فاتح کو بھی 10 لاکھ ریال اور ایک رائفل دی گئی جس نے 9 منٹ 22 سیکنڈ میں فاصلہ طے کیا۔

واضح رہے  فیسٹول کا آغاز 10 اگست کو ہوا تھا جس کے تحت 350 راونڈز کھیلے گئے جبکہ فائنل راونڈ 11 دنوں تک جاری رہا۔