مملکت میں بدھ کو سونے کے نرخوں میں نمایاں کمی

سعودی مارکیٹ میں بدھ 6 نومبر 2024 کو سونے کے نرخوں میں نمایاں کمی ریکارڈ کی گئی۔ کمی کا سلسلہ کاروبار کے آغاز سے رہا۔

الیوم آن لائن کے مطابق 24 قیراط ایک گرام سونے کے نرخ بدھ کو کم ہوکر 321.58 ریال ہوگئے جبکہ ایک دن قبل منگل کو اس کی قیمت 329.92 ریال تھی۔

22 قیراط ایک گرام کے نرخ 294.78 ریال اور 21 قیراط ایک گرام کی قیمت 281.38 ریال تک آگئے۔

18 قیراط ایک گرام کی قیمت 241.18 ریال اور 14 قیراط ایک گرام کے نرخ 187.59 ریال ہوگئے۔

مملکت میں ایک اونس سونے کے نرخ 9991 ریال  اور ایک تولہ سونے کی قیمت 3748 ریال تک پہنچ گئی۔

سعودی مارکیٹ میں بدھ کو ایک کلو سونا 3 لاکھ 21 ہزار 580 ریال میں فروخت ہورہا تھا۔

واضح رہے کہ امریکی انتخابات میں ڈونلڈ ٹرمپ کی کامیابی کے بعد بدھ کو عالمی مارکیٹ میں سونے کے نرخوں میں کمی واقع ہوئی ہے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں