فالکن نیلامی: دو لاکھ 10 ہزار ریال میں باز فروخت

فالکن کلب کے تحت ریاض میں منعقد نیلامی میں جمعہ اور ہفتے کی درمیانی شب ایک باز دو لاکھ 10ہزار ریال میں فروخت ہوا ہے۔

سبق ویب سائٹ کے مطابق باز پر 50 ہزار ریال سے بولی کا آغاز ہوا  اور بڑھتے بڑھتے دو لاکھ 10 ہزار ریال پر بولی بند ہوئی۔

خیال رہے کہ فالکن کلب کے تحت بازوں کی نمائش اور نیلامی جاری رہتی ہے جس میں مقامی اور غیر ملکی شرکت کرتے ہیں۔

فالکن کی نیلامی میں مقامی افراد کے علاوہ بیرون ملک سے تعلق رکھنے والے فارم بھی شریک ہوتے ہیں۔

فالکن فروخت کرنے کے خواہشمندوں کو کلب کی طرف سے تمام سہولتیں فراہم کی جاتی ہیں جبکہ خریدنے والے کو باز کی ملکیت کا سرٹیفیکیٹ بھی فراہم کیا جاتا ہے۔

فالکن کی نیلامی کلب کے سوشل اکاؤنٹ پر براہ راست دیکھی جاسکتی ہے۔