ٹائسن، جیک پال باکسنگ مقابلہ: نیٹ فلکس پر چھ کروڑ صارفین نے دیکھا

عالمی شہرت یافتہ ہیوی ویٹ چیمپئن مائیک ٹائسن اور معروف یوٹیوبر جیک پال کے درمیان باکسنگ مقابلہ دیکھنے کے لیے دنیا بھر سے چھ کروڑ گھرانوں میں نیٹ فلکس پر دیکھا گیا۔

عرب نیوز کے مطابق نیٹ فلکس نے بتایا ہے گذشتہ روز سنیچر کو یہ دلچسپ مقابلہ نیٹ فلکس پر لائیو نشر کیا گیا جو کہ ساڑھے چھ کروڑ سٹریمز تک پہنچ گیا۔

27 سالہ فائٹر جیک پال اور 58 سالہ سابق ہیوی ویٹ چیمپیئن مائیک ٹائسن کے درمیان ہونے والا یہ مقابلہ جیک پال نے تیسرے ہی راؤنڈ میں یکطرفہ طور پر جیت لیا۔

نیٹ فلکس کے مطابق اس میچ سے قبل آئرلینڈ کی لائٹ ویٹ چیمپیئن کیٹی ٹیلر اور پورٹو ریکو کی فیدر ویٹ چیمپیئن امندا سیرانو کے درمیان ہونے والے باکسنگ کے مقابلے میں تقریباً پانچ کروڑ سبسکرائبرز نے دیکھا۔

نیٹ فلکس نے اپنے بیان میں کہا ہے ’پیشہ ور خواتین باکسر کے مابین ہونے والا یہ مقابلہ ممکنہ طور پر امریکی تاریخ میں خواتین کے کھیلوں کا سب سے زیادہ دیکھا جانے والا ایونٹ ہو گا۔‘

آؤٹیج ٹریکنگ ویب سائٹ Downdetector کے مطابق میچ کے لائیو سٹریم کے دوران کچھ رکاوٹیں آئیں، 90 ہزار سے زائد  نیٹ فلکس صارفین نے میچ کے دوران بندش کی اطلاعات  دیں۔

امریکہ میں تقریباً چھ گھنٹے تک جاری رہنے والی بندش کے بعد سٹریمنگ پلیٹ فارم سنیچر کو مکمل طور پر بحال کر دیا گیا۔