شاہ سلمان بن عبدالعزیز کو امیر کویت کا مکتوب موصول

سعودی فرمانروا شاہ سلمان بن عبدالعزیز کو امیر کویت شیخ مشعل الاحمد الجابر الصباح کا ایک تحریری مکتوب موصول ہوا ہے جس میں خلیج تعاون کونسل کی سپریم کونسل کے اجلاس میں شرکت کی دعوت دی گئی ہے جو کویت میں منعقد ہوگا۔

سرکاری خبر رساں ایجنسی ایس پی اے کے مطابق  وزیر مملکت اور کابینہ کے رکن شہزادہ ترکی بن محمد بن فہد سے منگل کو ریاض میں امیر کویت کے ایلچی، وزیر خارجہ عبداللہ علی الیحیا نے ملاقات کی اور مکتوب حوالے کیا۔

ملاقات کے دوران مشترکہ دلچسپی کے امور پر تبادلہ خیال کیا گیا۔