امارات کے مزید تین امدادی قافلے رفح کراسنگ کے ذریعے غزہ پہنچ گئے

متحدہ عرب امارات سے انسانی امداد لے کر مزید تین قافلے اس ہفتے رفح بارڈر کراسنگ کے ذریعے غزہ کی پٹی میں داخل ہوئے ہیں۔

امارات کے خبر رساں اداے وام کے مطابق یہ اقدام متحدہ عرب امارات کی جاری انسانی کوششوں کا حصہ ہے، جس کا مقصد موجودہ صورتحال کے دوران فلسطینی عوام کی مدد اور سپورٹ کرنا ہے۔

غزہ پہنچنے والے امدادی قافلے 30 ٹرکوں پر مشتمل ہیں، جن پر495.1 ٹن سے زیادہ انسانی امداد جس میں خوراک، موسم سرما کے ملبوسات اور دیگر اشیائے ضرورت موجود ہیں۔

امارات کی جانب سے غزہ میں داخل ہونے والے امدادی قافلوں کی تعداد 144 ہو گئی ہے، جن میں ایک ہزار 237 ٹرک شامل تھے۔

اب تک امارات نے زمینی راستے سے28 ہزار ٹن سے زیادہ امدادی سامان بھیجا ہے۔

 متحدہ عرب امارات غزہ میں انسانی اور امدادی کوششوں کو جاری رکھے ہوئے ہے۔ اس اقدام کا مقصد  بے گھر فلسطینی خاندانوں کی مشکلات کو کم کرنا ہے۔