مکہ مکرمہ میں جمعے کو بارش، مسجد الحرام میں عمرہ زائرین کی دعائیں

سعودی عرب مکہ مکرمہ میں جمعہ 27 دسمبر کو بارش کی اطلاعات ہیں۔

الاخباریہ چینل کے مطابق مسجد الحرام میں عمرہ زائرین بارش کے دوران طواف اور عبادت میں مصروف رہے۔ انہوں نے دعائیں بھی کیں۔ 

 بارش کے دوران طواف اور دعائیں کی تصاویر اور وڈیوز سوشل میڈیا پر وائرل ہیں۔

واضح رہے حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے بارش کے بعد فوری طور پر صفائی، پانی کی نکاسی اور فرش خشک کیے جانے کو یقینی بنایا گیا۔

انتظامیہ نے بارش کے دوران مسائل سے نمٹنے کے لیے ہنگامی سکیموں پر عمل درآمد شروع کررکھا ہے۔

حرمین شریفین انتظامیہ کی کوشش ہے کہ عبادت کے دوران زائرین کی سلامتی کو یقینی بنایا جائے۔

علاوہ ازیں مکہ ریجن میں بارش کے باعث سکیورٹی اور سروس ایجنسیوں کو الرٹ کردیا گیا۔ شہری دفاع کی ٹیمیں اہم مقامات پر تعینات رہیں۔