کنگ سلمان امدادی مرکز کی مالی اور پاکستان میں خوراک کی تقسیم
کنگ سلمان امدادی مرکز کی مالی اور پاکستان میں خوراک کی تقسیم
بدھ 22 جنوری 2025 15:48
خوراک کی تقسیم کنگ سلمان مرکز کے فوڈ سیکیورٹی سپورٹ پروجیکٹ کا حصہ ہے۔ فوٹو واس
سعودی عرب کے امدادی مرکز کنگ سلمان ہیومینٹیرین ایڈ اینڈ ریلیف سینٹر نے مغربی افریقہ کے ملک جمہوریہ مالی اور پاکستان میں ضرورت مندوں کو راشن تقسیم کیا ہے۔
سعودی پریس ایجنسی ایس پی اے کی رپورٹ کے مطابق جمہوریہ مالی کے کولیکورو ریجن میں ضرورت مندوں کے لیے راشن کے 500 پیکٹس تقسیم کیے گئے ہیں۔
مالی بھیجی گئی یہ امداد اس سال کے فوڈ سیکیورٹی سپورٹ پروجیکٹ کا حصہ ہے جس سے بے گھر، معذور افراد سمیت کمزور طبقات کو مستفید ہوں گے۔
علاوہ ازیں کنگ سلمان امدادی مرکز کی جانب سے پاکستان کے صوبہ سندھ کے اضلاع دادو اور سانگھڑ اور خیبر پختونخوا کے ضلع تورغر میں راشن کے مزید 1450 پارسل پہنچائے گئے ہیں۔
پاکستان میں کنگ سلمان ہیومینٹیرین ایڈ اینڈ ریلیف سینٹر کے ذریعے ضرورت مند افراد کی مدد کے لیے راشن کی تقسیم مملکت کی جانب سے جاری انسانی ہمدردی کی کاوشوں کی عکاسی کرتی ہے۔
یہ امدادی سامان پاکستان کی نیشنل ڈیزاسٹر مینجمنٹ اتھارٹی (این ڈی ایم اے) اور صوبائی حکومتوں کی مدد سے شفاف طریقے سے تقیسم کیا جاتا ہے۔
کنگ سلمان مرکز نے ڈبلیو ایچ او کے پانچ منصوبوں پر عملدرآمد کیا ہے۔ فوٹو واس
قبل ازیں کنگ سلمان امدادی مرکز نے حال ہی میں ڈبلیو ایچ او کے ساتھ شراکت میں پانچ مختلف منصوبوں پر عمل درآمد کیا ہے اور دیگر کئی منصوبوں پر جلد ہی دستخط کیے جائیں گے۔
متعدد مشترکہ منصوبوں میں وبائی بیماریوں کی ویکسین کی تقسیم، متعدی بیماریوں پر قابو پانا اور علاج معالجہ کے علاوہ بچوں و خواتین میں غذائی قلت اور بھوک کی بڑھتی ہوئی سطح سے نمٹنا شامل ہے۔
