توکلنا پلیٹ فارم پر سعودی ایونٹس‘ نئی سہولت کا اضافہ

سعودی عرب میں قومی تقریبات کے مرکز کا کہنا ہے’ توکلنا پلیٹ فارم پر’سعودی ایونٹس‘ کے عنوان سے نئی سہولت کا اضافہ کیا گیا ہے۔‘

سبق نیوز کے مطابق سعودی عرب کے وژن 2030 کے تحت مملکت کی قومی تقریبات کے بارے میں فوری اور مکمل معلومات کی فراہمی آسان بناتے ہوئے توکلنا پر’سعودی ایونٹس‘ کے انڈیکس کا اضافہ کیا گیا ہے۔

جس کے ذریعے تقریبات کے دن اور مقام کے بارے میں جملہ معلومات فراہم کی جائیں گی۔

قومی مرکز برائے تقریبات نے مزید بتایا’ سعودی ڈیٹا اینڈ آرٹیفیشل انٹلیجنس ’سدایا‘ اور قومی مرکز کے اشترات سے نئی سہولت جاری کی گئی ہے جس کےذریعے صارفین کو تقریبات کے مقامات ، ٹکٹ کی خریداری ، بکنگ اور دیگر سہولتیں فراہم کی جائیں گی۔‘