سعودی ولی عہد کی شہزادہ ترکی بن محمد اور ان کے بھائیوں سے تعزیت

سعودی ولی عہد شہزادہ محمد بن سلمان نے شہزادہ ترکی بن محمد بن فہد بن عبدالعزیز اور ان کے بھائیوں سے ان کے والد شہزادہ محمد بن فہد بن عبدالعزیز کے انتقال پر تعزیت اور ہمدردی کا اظہار کیا ہے۔

سعودی پریس ایجنسی کے مطابق ایوان شاہی نے اعلامیہ میں کہا ہے کہ ’شہزادہ محمد بن فہد بن عبد العزیز کی نماز جنازہ  بدھ 29 جنوری کو ریاض کی جامع امام ترکی بن عبد اللہ میں عصر کی نماز کے بعد ادا کی جائے گی۔

شہزادہ محمد بن فہد 1950 میں پیدا ہوئے، ان کی عمر 75 برس تھی۔ وہ شاہ فہد کے دوسرے بیٹے ہیں۔

انہوں نے سکول کی تعلیم کیپیٹل ماڈل انسٹی ٹیوٹ سے حاصل کی، یونیورٹسی آف کیلیفورنیا سانتا باربرا سے معامشیات اور سیاسیات میں بیچلر ڈگری حاصل کی۔

1985 میں انہیں الشرقیہ ریجن کا گورنر مقرر کیا، وہ 2013 تک گورنر رہے۔

1999 میں انہوں نے پرنس محمد بن فہد فاونڈیشن برائے انسانی ترقی قائم کی اور مختلف منصوبوں کا آغاز کیا۔