ریاض.... وزارت تجارت و سرمایہ کاری نے آتشبازی کے سوداگروں کے خلاف خصوصی مہم کا آغاز کردیا۔ عید الفطر کے موقع پر آتشبازی کے کاروبار او رپھر بچوں کے ہاتھ آتشبازی لگنے سے سنگین نتتائج سامنے آتے رہے ہیں۔ وزارت نے مقامی شہریوں اور مقیم غیر ملکیوں سے اپیل کی کہ وہ بچوں کے تحفظ کی خاطر چلائی جانے والی مہم کو کامیاب بنانے میں اپنا کردارادا کریں۔ جہاں بھی آتشبازی کا لین دین دیکھیں فوراً ہی مطلع کرنے کا اہتمام کریں۔ گودام پکڑوانے پر 5ہزار ریال انعام دیا جائیگا۔
