سعودی عرب کی جانب سے انڈونیشیا کو 100 ٹن کھجوروں کا تحفہ
سعودی عرب کی جانب سے انڈونیشیا کو 100 ٹن کھجوروں کا تحفہ
ہفتہ 15 فروری 2025 0:01
سعودی عرب 2002 سے کھجوروں کے تحفے کا پروگرام چلا رہا ہے (فوٹو: ایس پی اے)
سعودی امدادی ایجنسی شاہ سلمان مرکز نے مملکت کی طرف سے انڈونیشیا کو 100 ٹن کھجوروں کا تحفہ دیا ہے۔
ایس پی اے کے مطابق یہ تحفہ انڈونیشیا میں مملکت کے سفیر فیصل بن عبداللہ العامودی نے یہ تحفہ بنگلہ دیشی وزیر مذہبی امور ڈاکٹر نصرالدین عمر کے حوالے کیا۔ اس موقع پر دیگر حکام اور میڈیا کے نمائندے بھی موجود تھے۔
کھجوروں کا یہ تحفہ سعودی عرب کی طرف سے شاہ سلمان مرکز کے ذریعے مختلف شعبوں میں برادر اور دوست ملکوں کی مدد کے حوالے سے انسانی کوششوں کا حصہ ہے۔
شاہ سلمان مرکز نے سوڈانی ریاست وائٹ نیل میں 20 کھجروریں تقسیم کیں (فوٹو ایس پی اے)
علاوہ ازیں شاہ سلمان مرکز نے سوڈان کی ریاست وائٹ نیل میں 20 کھجروریں تقسیم کی ہیں۔
2025 کے دوران کھجوروں کی تقسیم کے اس منصوبے سے 11 ہزار 680 افراد نے فائدہ اٹھایا۔
یاد رہے کہ سعودی عرب 2002 سے کھجوروں کے تحفے کا پروگرام چلا رہا ہے۔ اس کے تحت سالانہ چار ہزار ٹن کھجوریں تقسیم کی جا رہی ہیں۔
کھجوروں کے تحفے کا پروگرام مملکت کے نخلستانوں کی کامیابی، برادر اور دوست ممالک کے ساتھ محبت کی علامت ہے۔
