امارات میں مارچ 2025 کےلیے پٹرول اور ڈیزل کے نرخ کیا ہوں گے؟

متحدہ عرب امارات میں جمعہ 28 فروری کو مارچ 2025 کے لیے پٹرول کے نرخوں کا اعلان کیا گیا ہے۔ 

فیول پرائس کمیٹی کے مطابق نئی قیمتوں کا اطلاق یکم مارچ سے ہوگا۔ گذشتہ ماہ کے مقابلے میں معمولی کمی کی گئی ہے۔

پٹرول سپر 98 کی نئی قیمت 2.73 درہم فی لٹر مقرر کی گئی ہے جو فروری میں 2.74 درہم فی لٹر میں فروخت کیا جا رہا تھا۔

 سپیشل 95 جو فروری میں 2.63 درہم فی لٹر فی لٹر دستیاب تھا، مارچ میں 2.61 درہم فی لٹر ملے گا۔

ای پلس 91 کے نرخ معمولی کمی کے بعد 2.54 فی لٹر ہوگئے۔ فروری میں اس کی قیمت 2.55 فی لٹر تھی۔

 ڈیزل کی نئی قیمت 2.77 درہم فی لٹر ہوگی۔ ڈیزل کی قیمت فروری میں 2.82 درہم فی لٹر تھی۔

یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔