امارات میں پٹرول اور ڈیزل مہنگا، فروری 2025 کے لیے نئی قیمتوں کا اعلان

متحدہ عرب امارات میں جمعہ 31 جنوری کو فروری 2025 کے لیے پٹرول کے نرخوں کا اعلان کیا گیا ہے۔ 

فیول پرائس کمیٹی کے مطابق نئی قیمتوں کا اطلاق یکم فروری سے ہوگا۔ گذشتہ ماہ کے مقابلے میں قیمتوں میں اضافہ کیا گیا ہے۔

پٹرول سپر 98 کی نئی قیمت 2.74 درہم فی لٹر مقرر کی گئی ہے جو جنوری میں 2.61 درہم فی لٹر میں فروخت کیا جا رہا تھا۔

 سپیشل 95 جو جنوری میں 2.50 درہم فی لٹر فی لٹر دستیاب تھا، فروری میں 2.63 درہم فی لٹر مہنگا ملے گا۔

ای پلس 91 کے نرخ بڑھ کر 2.55 فی لٹر ہوگئے۔ جنوری میں اس کی قیمت 2.43 فی لٹر تھی۔

 ڈیزل کی نئی قیمت 2.82 درہم فی لٹر ہوگی۔ ڈیزل کی قیمت جنوری میں 2.68 درہم فی لٹر تھی۔

یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔